Kalimat Anghami
Picture of the item

عشان أحبك

متعب بن دخنه  (٢٠٢١)

12.8K إستماع | 207 إعجاب
وش الّي يلزم الفـرقا تكلم جد !
أو إنك تختبر قلبي وشوقي لك؟

شوي شوي لين استوعبك وارد
لاتاخذنـي بغفـلة في تفاصيلك

معاي لموعدك ربـكه وباقة ورد



ومعك مايحرق آعصابي بليلة برد
ياربي وين ابوصل مع مواصيلك

ماجيت آودعْك جيت أستلذك ودّ
واضلل عمري الجاي بـ مضاليلك

آقول أحبّك وقلبـك يقـول شقد ؟
أنا : الّي ياعـسـانـي قـد حُبّي لك

تعـرف تصـد علمنـي شلون آصدْ
ترى ماعْرف غيـر آجيك وآجي لك

مثـل طفلٍ لو إنّـه يبتـعـد ويـضـد
يـبي يرجـع على خـُبرك ويآوي لك

من الّي قال لك بإن الظـروف تحد
أشـوف إنـك مصـدق كذبة أبريلـك

تبـي تشغلـك عنّـي يوم مالك ند
وأنا في زحمة أشـغالي وفاضي لك

حبيبي : واللقاء ماهـو برميـة نرد
مسافة شوق تبـري بـ إنتظـاري لك

آجيك وصدري الهالك صحاري جرد
وأروح.. ولا تـبلـلـنـي..همـالـيلك

تخـيّـر لي،،، مصـيــر آتـقبـّلـه لابـد
آنا راضـي على شورك وراضي لك

عشان أحبّك : أحبّك لــ مالـه حد
وعشان تحبني؟مدري شسوي لك