آلا يا طير صادوك الغرايب والأقدار لو أنك حذر يا طير ما كان صادوك ناديت لك مره ومرات وأمرار صاوختني وجاوبتهم يوم نادوك أصرخ بعد وإشكي بعد ليه تحتار وتقولي ليه بعزة النفس ذلوك وهذه الحقيقة وش تبي عكس ما صار وتعز لك ناس على ناس عزوك إنته تظن أهل الوفى بالهوى اكثار طالع ظنونك للاسف وين ودوك ياما نصحناك إنتبه حولك النار رجل على الجمره ورجل على الشوك هم صوروا لك حبهم شي ما صار حتى شعورك وبالأحاسيس غشوك وياللي نسيت أن الزمن دوم دوار جازتني بالظلم وبالظلم جازوك جابك زمانك عندنا وصار ما صار نفس الخطى اللي ودتك أمس جابوك والله وتوقعنا بتجي شايل أعذار عارف خطاك بحقنا يوم خانوك قلنا الهوى ماهو غصيبه واجبار لو كان حبك صادق ان كان حبوك إحنا الأمل وإحنا الهوى وشمعة الدار وإحنا الحبايب اللي ما يوم خلوك
