والدنا خليفة

بو علي وشحال قايدنا خليفه

الزعيم اللي بوقفاته نماري

الكبير اللي سكنا ظل ريفه

وارتوينا فيض خيره سيل ياري

 

واعشبت لسيوح خضراها وريفه

سامقه بظلالها من جود داري

واغدغت لمزون وسميها نفيفه

فوق دارٍ طيبها ضافي وخاري

سلم إلنا عالذي نفسه عفيفه

وبلغه بشعورنا والشوق ساري

نفتديه بروح من دونه چليفه

له نسوم العمر والميقاف ناري

من قروم اشراف وانفوسٍ شريفه

هم سوار الدار وليوثٍ ضواري

هم حماة الدار هم درعه و سيفه

هم نجوم الليل في خرِّس غداري

لو نعيش العمر واللقمَّه رغيفه

عندنا اتساوي ملايين المصاري

ما نخلي الدار لنفوس ٍضعيفه

ما تخاف الخالق المعبود باري

والتحايا اعداد واعدادٍ رضيفه

فوقهن عشره على عشره ندراي

بو علي سلم على الوالد خليفة

شيخنا اللي في مواقيفه نماري