لي رف بيرقنا

لي رف بيرقنا نهار الغاره
وان ثار وارتكزت عمود غباره 
من بيننا المعثور ماله طاري 
الا الشميمي لي تكاثح ناره

ابشر بسعدك يا المقام السامي 
لي صار ميدان التلاقي حامي
شبان تورد مثل ورد الضامي
ما فيهم الي ما يشف لداره

يا خوان شما ذكرو لي ناسي
قولو لهم حنا جنود الياسي
صلفيين في وجه الصليط الجاسي
لو يرتفع له عندنا محداره 

ما ننتثي دونه ورفقة زايد 
والي يعادينا نرده بايد
من فوق يلي ما لها من هايد 
على بدنها من علمنا شاره