لاتسال مجرب

حبيبتي حالي من الشوق داني
اشرق بحبك واعود اغرب
اناني ف وصلك لكن يالاناني
ترى الانانيه ف طبعك تخرب
لحظات حبك حطمت لي كياني
والحزن من بين المحاني تسرب
تسرب وصكت عليه المحاني
كنه لوصلك بالجروح يتقرب
يامعرب الانساب خدر العياني
سلم العرب لاتجهله يالمعرب
شربت حبك لين فاض الحناني
وقامت عروقي من غلاك تشرب
ياللي تقول اسال مجرب تراني
سالت واحد بس قام يتهرب
لاتسال مجرب ياقلب وتعاني
اسال طبيب وخل عنك المجرب