الحر النداوي

يا محمد انت الحر النداوي من علاه الى علاه
دولتك بك نورها ارض وسماوي ومجدها التاريخ سطره وقراه

اشهد ان مالك شبيه ولا مساوي غير عود الله يطيب ثراه
كم تدفع من عظيمات البلاوي انته الحامي لنا بعد الاله

ماحد بقراك شتفكر وناوي لك نظر فالوكت يا مبعد مداه
في طريقك مالقينالك مخاوي يتعب اقدام المراقي لي رقاه

لو على موج البحر تمشي حفاوي هيبتك خلت زبد موجه صفاه
وانت سهم في عيون الضد داوي وانت من يوطى على روس الطغاه

اعتز بيك يا كفو كل العزاوي يوم شفت الوقت معطني قفاه
جيتك بجرح غتم ماله داوي وريت عندك بلسم الجرح ودواه

في قبالك شفت كل السعد حاوي زال هم القلب واتجلى عناه
والمواقف بالفعل هب المناوي ولي ضعيف العزم ما يبلغ مناه

وانت شرس قاطع وكفه صخاوي يروي الارض المحيلة من عطاه
لك يغني اتلع الجيد السحاوي لي كمل بالزين في ذمة صباه

كل ما شافك من المطراش هاوي تعرق الاوجان من كثرة سحاه
كن عوده مثل ما الطلع النشاوي ينثني لك مثل ما غصن الجناه

ينحني لك طوع ما عنده تقاوي لك خشوعه من رضاه ومن غلاه
تستحقه وانت من فوق الهقاوي فوق ما تتصوره وصلك يباه