Kalimat Anghami
Picture of the item

الغصن يابس

ميحد حمد  (٢٠١١)

31.7K إستماع | 588 إعجاب
الغصن يابس وَلا طاح الـمطر يَالهبوب
قولي له يْطـيح لا يذبَحـه كثـر البطا
كم لي وانا احاول ابثّ الأمل فَـ الشـعوب 

فـي كل مَرَّه أشـوف الـحزن فـيهم سطا


يا ابن آدم اللي تريد تْـتوب سرِّع وتوب
اليوم من عمْرك اسْرَع من طـيار القطا
سموّ فكرك يساعد في اختـيار الدروب
إعرف تفاصـيل دربك قبل رجلك تطا
عليه واعرف مدى حسناتك مْن الذنوب
وتعـيش مرفوع هامَه .. مستـقيم الخُطا
واللي يقـول انّـه مْمَيَّـز وَلا له عـيـوب
يعيش فوق السما ، لايعيش فوق الوطا

الشخص لو يقدر يغطّي عيوبه بثـوب
غَطّـى عـيوبه ، لكن الـعـيب ما له غطا
والشمس تشرق ، لكن بعد الشروق الغروب
لو نـورها يوم تَشـرق فـي سـماها سطا
ياللي تقولون فـقر الناس فـقر الجيوب
الـوقــت .. ياما خـذا منّا وياما عـطا
فزَّاع .. وِجْهَة نظره الفقر فَقر القلوب
وجهة نظر .. يمكن انها صَح والاَّ خَـطا
"