في خاطرك حاجة

وش فيه بالك بعيد وجالس تفكر
بدري على الحزن توك في بدياتك
لاتحسب الوقت الي فاتك وتتذكر
عمر الندم مايرد الوقت الي فاتك
لاتترك الدمع فوق الخد يتحدر
حاسب ترا كل عمري فوق وجناتك
يانور عيني مادام العين بك تنظر
حرام تبخل على خلك بنظراتك
ماشفت كيف القمر عقب الظلام انور
بالظبط نفس الشعور ان شفت بسماتك
وان كان في خاطرك حاجه علي ابشر
والله لاسوق العمر كله لمرضاتك
ماتدري انك اذا تكدرت انا اتكدر
وافرح لجل فرجتك واشره لشرهاتك
عودتني على السهر وامسيت ماتسهر
ماغير طيفك يعوضني بسهراتك
احلى سنين العمر بلقياك تتعطر
يادنيتي وابرك السااعات ساعاتك
يمر طيفك واضمك وارجع استغفر
وارد اشوفك واقول الله محلاتك