كيف جسم الروح عن روحه يروح كيف ابعد عنه و اصبر يا حمد كل جرح ضاعفه اربع جروح كل هم عود يلقاله ولد يا علي لو تحسب اعداد الجروح في الهوى ما اظن يكفيك العدد جايف جروحك على صدرك تلوح وابشر بسعدك علاجك مع حمد من شبيه الصبح و شعاع الوضوح تقعد الشمس بجبينه لي قعد ليت يبن سهيل لو نلت الطموح جان رمشت عيني و اجوف السعد صاحبك معذور لو عنك يشوح او تدلع او تمنع و ابتعد دام به من صبحنا الناسم وضوح و بجبينه تشرق شموس السعد عطره الي في هوى داري يفوح ان تنفسته معه ضلعي صعد لي يشوفه يوم بانواره يلوح لو عيونه رمد فارقها الرمد يا علي لا تنشغل عنه و تروح حسسه بالشوق لو قربك قعد سايسه مثل الفرس ليا الجموح طبعه في الاريام تخشى من الاسد له برص القاف و ابني له صروح يا حمد لجله بوقفه بعمد النصيحه يا حمد و انت النصوح صاحبك مخطور لو عنك ابتعد ان بغيت تنال شفك و الطموح في الهوى تكسب فؤاده للابد اصبر و خلك معه دايم سموح وانت ما تحتاج نصح من احد
