ليل الشقا

في غيابك طال بي ليل الشقا
والمسره فارقت عيني وراحت
والمدامع في جفوني ما استراحت
ليت لو تدري بحالي 
في غيابك طال بي ليل الشقا

فجأة ومن غير لا احسب حساب
افترقنا وصارت ايامي عذاب 
اظلمت دنياي والحلم اختفى
وحال ما بيني وبينك ضباب
في غيابك طال بي ليل الشقا

ما بقى لي غير ذكرى
وشي من امسي حزين
التفت لك ما اشوفك
واسمعك واقول وين
كيف اصدق ان روحي
فارقت عني وراحت
وكيف اقوى هالحنين
ليت لو يرجع زماني
وامنحك باقي حناني
وليت تنصفه السنين
ليتني واقول ليت
ليت لو لحظه تعود
واحضنك حيٍ ومِيت

ليت وادري ليت ما تبرا جراح
وادري اللي راح راح 
في غيابك واعذابي
في غيابك طال بي ليل الشقا

في غيابك الاسى غطى وجودي
وانبرى غصني وعودي
وعفت صبري مع دواي
كل ما في الكون حولي
صار يبكيني ويبكيك
واختلف بالحيل زولي
من لهف قلبي عليك

هو صحيح انه رحل
عشقي وشوقي
وكيف اصدق وانت حي وفي عروقي
وا عذابي في غيابك طال بي ليل الشقا