الشوق

خذ يا سحاب الشوق من خافقي الشوق
و ارحل ي عل مسعاك درب السلامه 
صوب الذي له شآن و المستوى فوق 

ودي سلامي وهات منه سلامه

اغليه و ادري ان الغلا توه شروق
و الحب ما ينقاس يومه و عامه 
احدن تشوفه سنين وما يملي الموق 
و احدن من اول نظره طحت بغرامه
ذاك اللي شوفة ضحكته تبري العوق
اللي تبش الروح لهجة كلامه
هو عاصمة قلبي و هو قبلة الذوق
و انا غلاه اللي حشيمن مقامه

في بوظبي و العين لي ساس وعذوق
من ناس ينصاها الفخر و الشهامه 
داري وداره دار وافيين العروق
و من هامتن تشهد لها كل هامه 
رح ي السحاب و بلغه وافي الشوق
و اذا سأل وش هو في قلبي مقامه
قله يشوف هناك وين القمر فوق
هذاك قدره و ذاك عندي احترامه