لا تعاند

لا تعاند عنادك في عنادك عنادي
عطني قلبك ياقلبي حط قلبي مكانه 
حس نبضه بيوفك وإسمعه لك ينادي
إحفظه ياحبيبي وسط صدرك أمانه

الأمانه أمانه والأمانه فؤادي
به تهنى ياعمري وأرتوي من حنانه 
إنت ياللي هويتك حلم واقع مرادي
صافي الود وافي ماتعرف الخيانه

قبل أحبك وأشوفك كل شي كان عادي
كل شي بعيني كنت مرخص مشانه 
بك عرفت المحبه وصار قلبك بلادي
ومن سكن في خفوقك به يلاقي كيانه

قلت بخفي المحبه قلت بلجم جوادي
وأثره هالحب جامح من يروض حصانه 
من يظن المحبه جوها جوهادي 
أشهد إنه يماري في زمانه زمانه