تعلمنا

تعلمنا كثير احنا تعلمنا
وشفنا قسوة العالم ولا حتى تكلمنا
ولاعاد احنا مثل اول تعلمنا من الدنيا وما فيها تغيرنا

قسانا من قسى الايام وذبلت اجمل الاحلام
تالمنا وتعلمنا وصحانا من الاوهام

عطينا الحب للي يجهلون الحب
وطيب القلب ضعنا بك يا طيب القلب
نمد الورد للي نحب من الطيبة وحسن الظن
ويرموا شوكهم في الدم ولا ندري نشاقي من

عرفنا اكبر خطا في الكون نثق باللي الغدر طبعه
كثر ما توفي معاه يخون ولا له خير في ربعه

تغير كل ما فينا وثقنا في خطاوينا وحاضرنا بلا ماضي
نسينا كل ماضينا
نشوف الدنيا في صورة بها بحر وبها ميناء
نشوف الناس كل الناس حسب نياتهم فينا