تناسيني بنفس الموعد اللي به ذكرتيني أنا ما أقدر أعيش اللي بقالي من العمر بأوهام تناسيني عبس وجه الزمان و زاد لومه لا تلوميني طغا جور الهوا و انهى سنينٍ من صبر و أحلام طلبتك كان لي في داخلك بعض الغلا اجفيني ترى حَر الجفا أهون كثير من الوهم لو دام تناسيني سلام الله على وقت مضى و ماصار به فيني خذا ضي القمر و الشمس ما قد شعشعت من عام هناك بعيد ويا الشوق ضنيني و حبيني هنا لا تقربي ضاق المكان بزحمه الأقدام تناسيني هواي العف يا أسمى القصايد في دواويني أنا لي قلب ما يقوي يضيم و لا يبي ينضام تخيرت أبتعد و الصمت و الوحده عناويني و إذا ودك تزوريني تعالي بس بالأحلام
