يوجعونك

‏يوجعونك كثر ماتطري عليهم 
‏قاصدين الجرح ويدينك عرايا 
‏قد ماقدّمت خيرك .. ترتجيهم 
‏قد ماذلّوك قدام البرايا 

‏تدعي بسرّك " عسى الله يهديهم 
‏تسكت وتصبر | يدينون النوايا 
‏قلت لك : ياقلب ماجالك يجيهم
‏لا تْألم تنطوي بين الزوايا 

‏أدري ابْصدمتك وادري تحتريهم 
‏تختلق الأعذار وتخلّي الوصايا 
‏وانت اعلم منّي إن فيهم وفيهم
‏ودّهم يرمونك بحوض المنايا 

‏عيش هالدنيا ولا تبقى بِـ يديهم 
‏طيش في غيّك ولا تخشى الخبايا 
‏إسمع إحساسي حذاري تلتقيهم 
‏عدّهم ذنبك وياكثر الخطايا