Kalimat Anghami
Picture of the item

العين الحمراء

مسلم  (٢٠١٧)

950.2K إستماع | 18.3K إعجاب
عشيري جا للحومة بلا ما يقولي كلمة بالي بلِّي الشّر حاكم فيه
عشيري عينو حمرا قلبوا شاعل جمرة حتى واحد ما على بالو بيه
عشيري عينو حمرا قالي أنا بيا ولا بيه الليلة
قلتلوا بين القبر و الحبس آعشيري كاين غير خطوات قليلة
قالي أنا طلعلي فراسي هذا الشي آعشيري خلّني
قلتلو فين ماشي بهذا المضى آعشيري جاوبني ؟
قالي راك آعشيري عارفني 
العيب ما عمرو جا مني
و هذاك خونا مڭابلني 
ما عرفت شني بغا مني
الحومة كاملة شاهدت شحال من مرة جا كي آذني
شحال من مرة حڭرني و راسي شحال قدوا يبقى محني
حيت هو حڭار
الحبس ولا لقبار
عييت ساكت آعشيري و صافي تساللي الصبار 
و دبا عادي 
إذا جات الموت أنا راضي
ما على بالي بلسان القاضي
و ماتقليشي رجاع اللور
عشيري وصّي حفّار لقبور
حيت ما عانعيشي محڭور
عشيري جا للحومة بلا ما يقولي كلمة بالي بلِّي الشّر حاكم فيه
عشيري عينو حمرا قلبوا شاعل جمرة حتى واحد ما على بالو بيه
عشيري قالي باعَّد مني أنا الليلة ناوي على خزيت 
قلتلوا بلِّي راك آعشيري غير مزرف حيت إبليس خبيت
قالي بلا ماتلومني بلا ما تحاول تفكر توقف لي في الطريق
قلتلوا دابا يفوت الفوت آعشيري و تندم ملِّي تفيق
خلاني واقف في راس الدرب كلامي ما أترشي فيه 
لاخور نيشان قالولوا عشيري كيفتش عليه
عينو جات في عين عشيري عرفوا بلِّي ناوي الحرب
عشيري بلا ما ينطق كلمة 
زبقلوا شاكا في القلب
عشيري بقى مصدوم
خلاه في دموا يعوم 
عشيري طاح على ركابو يبكي و يقول
واش بصاح طيحت بطانة ؟
قولي آعشيري ماشي أنا
علاش في يدي الدم د خانا ؟
هذا كابوس من الكوابيس
آ عشيري علاش جاو البوليس ؟
قولهم يقطنوا إبليس
عشيري جا للحومة بلا ما يقولي كلمة بالي بلِّي الشّر حاكم فيه
عشيري عينو حمرا قلبوا شاعل جمرة حتى واحد ما على بالو بيه