يالمختلف

يالمختلف حتى بنغمه كلامك
كلامك احلى من كلام الشعر فيك
لو ما حصلي منك الا سلامك
يكفي تكون بخير يا عيون مغليك

في صدري لك شي يموت بغرامك
لبى اشتياقي لك ولبى تغليك
وان كان ودك تبغي تعرف مقامك
قلبك ملك واحساسي لك شعب يفديك

حبك فرض فيني وعلي احترامك
ياروضة الاحساس تامر و ألبيك
تفداك روحن صاحيه في منامك
وتلف حولك لين تغفى واغطيك

يالغايب الحاضر في قلبي هيامك
ليتك تشوف عيوني لا مر طاريك
من كثر شوقي لشوفتك ولكلامك
احيانا و انت بعيد اسرح واناديك