رقم كم

لامن طلبك الفوز يا هلال قل تم
ربعي على كسب الجوائز يمونون

و لا تنشغل هذي البطولة رقم كم
فوز انت بس وخل غيرك يعدون

اطرب جماهيرك ولا تسمع الذم
ركز مع اللي في المدرج يغنون

ياهلال عزك عزنا واترك الهم
للي عليه تعودوا يا أزرق اللون

ما اعتدت يالرقم الصعب تلتفت يم
بعض الخصوم اللي بمجدك يشكون

لأنك كبير بالبطولات تهتم
منتب من اللي همهم بس يحكون

انت الزعيم اللي يقول الذهب سم
لا فزت به ويغيض بك كل مجنون

يحسبك منت قدها وانت ياعم
ربعك على كسب الجوايز يمونون