خلص حنانك

خلص حنانك ما بقى إلا قسوتك
اقسى علي اقسى حلالك فدوتك
قبلك قست دنياي وانت تمون
قبلك قست دنياي وانت تمون ..
شفت السعاده يوم عيني شافتك
اسعدتني الله دايم يسعدك
لو سقتلي هم وحزن هالكون
ضد الحزن فيني فرح مخزون ..
واللي جمعنا والتقينا وكنت لك
واللي فطر قلبي وفطرني بحبي لك
لو في بعادك الهنا مضمون
ماعيش لحظة دونك ولا اكون
الكل نفسي نفسي في ساعة خطر
الا انا انت.. ثم انا وباقي البشر
يبدا علي مني مهما يكون
تجرحني وتداوي انا ممنون