ياليت تذكرني

الا ياليت تذكرني حبيبك مانسى ذكراك
غدت احلامه احزانه وغابوا عنه خلانه
بقى في يوم الفرح بسمه تدور مسكن بدنياك
وابعدها ظلام الليل واصبح قلبك اوطانه
تعال وشوف لي دمعه ابحبسها الين القاك
لعلك تمسح الدمعه يغيب الحزن واشجانه
انا ياصاحبي مدري ذكرتك يوم جيت انساك
وذكرت انك رحلت وقلت هذا الحب وأحزانه
الين ابعدت الاقي العمر يجيب اخطاي لما اخطاك
تاخذني دروب الشوق واصل الين بيبانك
انا قلب تعذب حيل من بعدك ومن جفواك
انا جسم بليا روح غاب وغابت ازمانه