Kalimat Anghami
Picture of the item

اعلنتلك حبي

عبد المجيد عبدالله  (٢٠١٢)

52.1K إستماع | 1.1K إعجاب
اعلنت لك حبي وتالي انسحابي… من قلبك القاسي وقلبي جبرته

حب عفيف وافي مايعابي .. حب كتمته وسط جوفي وصنته

علقت فيه آمال عمري وشبابي… ياما تمنيته وياما انتظرته

حب سكن مابين جفني وهدابي…والله ماتتصوره لو وصفته

لا واعذابي في الضماير سطابي. . .بيدي حييته ثم تالي دفنته

انته معاناتي وانته عذابي. .. وانت الذي فرحي ونومي سرقته

ضحيت لعيونك وسكرت بابي. . .عن شوف غيرك والغرام احتضرته

رسمت لك لوحه وصارت سرابي. . . بينت لي خافي شعور كتمته

هذي النهايه يامسبب صوابي.. سامحك ربي في فؤاد حرمته

لاتكتب همومي وترسم عذابي … وانا تركت الناس واخترتك انته

قلبي فتح لعيونك السود بابي.. من عقب مافي وجه غيرك غلقته

لاتقول معلن في الغرام انسحابي… وانا لجل حبك فؤادي فتحته

حب خطف قلبي وضيع صوابي…واضح ولو عنك شعوري كتمته

والله لو تعلم بحب غدابي …ان كان عمرك لجل عيني نذرته

لكنني مخفي عن الناس مابي… والحب ترخص قيمته لو نشرته

تعال اجدد معك بهجة شبابي…… واعيد عمر قبل شوفك حرقته

تعال داوي في حياتي مصابي… وانا بعوض لك زمان هدرته

ياسيدي ياعالي القدر والجنابي…خليت كل الناس واخترتك انته