Kalimat Anghami
Picture of the item

اطهر ذنوبك - دويتو

حمد العازمي  (٢٠١٧)

8.8K إستماع | 239 إعجاب
تمر أحيان في بالي ولا مره تناسيتك ..
وأفكر فيك يا غايب وأقول الله يصبرني !

تعبت أعاتب طيوفك من اللهفه ليا اطريتك ..
وتعبت أرتب أحزاني بشعرٍ فيك ما سرني !

أنا أدري طالت الغيبه ولكن ما تباطيتك ..
تباطيت الجروح اللي أقدرها وتقدرني !

حبيبي قلبك القاسي إذا بالصدفه لاقيتك ..
طلبتك تسأله عني عسى للحين ~ يذكرني !

أنا قبل أمس مع طيفك تسامرنا وناديتك ..
كسرني قلبك البارد ومنك الوصل يجبرني !

تخيّل كم مره جيت من شوقي على بيتك ..
وأكلّم بابك المقفول أنا موجود عبّرني !

طلبتك واسألك بالله أنا في يوم بكّيتك ؟
غريبه ليه تجازيني بطعناتك وتغدرني ؟

تذّكر كم مره ضقت من دنياك وضميتك ؟
وألملم وأجمع اشتاتك غريبه وأنت تكسرني !

أمرك " أطهر ذنوبك " ولا في يوم ضريتك ..
وتمرني وكل ما مريت ناوي بإنك تضرني !

تمنيتك قبل ترحل وأردد آآخ يا ليتك ..
مجمّل ذكرياتك في عيوني قبل تهجرني !

حبيبي لو فرضت إني على الغيبه تحدّيتك ..
تطمّن قلبي من بَعدك على كيفه يسيّرني !

أحبك وأكره غيابك وأنا للحين ما انهيتك ..
وتأكد لو يطول العمر هجرك ~ ما يغيّرني !