Kalimat Anghami
Picture of the item

الهروين

مسلم  (٢٠١٠)

139.2K إستماع | 2.2K إعجاب
الهيروين حلاوة الشياطين
دخلت بين لحوم و جرات فالشرايين
الدراري حاصلين
فالدروبة عاقلين
عايشين واقع مر يدمع العين
هاذو كاملين لي كتشوف كانوا قافزين
كانوا بالصحة ديالهم ، كانوا لابسين
يمكن دوزوا الفلوس ، يمكن دوزوا الصلابة
يمكن كانوا ولاد ناش عمرهم ما نفحوا الطابة
كل واحد و كيفاش جابتو الطبلة
حتى ولات القبلة فين ما كانت الكحلة
عاملين الصف يشريو السم بالفلوس
و البزناز ما علابالوشي راه يقتل فالنفوس
ولاد الحومة ديالو كيموتو عرق بعرق
ما عرفتشي كيفاش اللقمة ادوزلو فالحلق
بين لحرام و الحرام كاين مليون فرق
صعيب تلقى الخالق بذنوب الخلق

الجناكة عاملين الصف ، فالهيروين يشريو
بين الزناقي دالعين فالحومة يجريو
قاصدين الخرب فالقنات يقنيو
والدولة ما علابالها موتو كتشوتيو

الهيروين ملين جاتنا؟
كيفاش دخلت من الحدود ، كيفاش دغيا دلعت فبلادنا؟
صعيب ادخل الغرام إذا كنتي غير مواطن عادي
حيت كاين المخزن فبلادي
كيخص راس المال ، كيخص السلطة
خصك شي منصب يتحكم فالشرطة
يعني خصك تكون من رجال الدولة
عندك حصانة و مشاريع مغولة
الشعب عندك خدام و عاطيه أجرة
مكالي على الدولة هموم شحال من أسرة
الحكومة باغية غير مصلحتها
حرك فلوسك و الناس قاضية حاجتها
كيفاش يحاسبوك و انتا شاريهم؟
فحال لبيادق تلعب بيهم
زيد سطوكي بلوكي فالبنوكا
فخاطر الشعب ، سطر الكوكا

المهم لي بغيت نقول هو بلي الهيروين
لا فلوس لا صحة لا دنيا لا دين
لا مكانة بين الناس لا رضات الوالدين
غير الذل و الحقرة و مد اليدين
إذا باغي تعيش بنفسك خطيك مالكحلة
لي قبل منك قال موحال نتبلى
اعقل عليه كيف كان
سير عندو سقسيه واش عمرو استحلى
غيقلك أنا ميت وخى كنبان ليك حي؟
تبرى مني بابا و طلعت فراس د خي
إذا قلتلك شحال ماغسلت امكن يجيك القي
ملي تشوفني قاصدك اعرف بلي باغي الباي
هاذي حياة الجانكي لي فواحد الوقت كان
عايش حياتو عادي فحال أي إنسان
بغى غير يجرب و طاح فالإدمان
زرف راسو براسو فدموع الندمان