Kalimat Anghami
Picture of the item

شبر وأنصاف

محمد الشحي  (٢٠١٦)

1.2M إستماع | 39.2K إعجاب
يلي شراتك ، كيف ينعاف؟
محدٍ يعوف الشوف بالعين
انته عيوني ، و انت مولاف
شخصك تمركز فالشرايين

وان كان عرق القلب ينشاف
كانو المحوك الناس ذلحين
دقات قلبي صارت اخفاف
عن لا اتضايق، قلبي ارزين

عرقٍ ف قلبي، حيل دفّاف
ضخ المحبه بينك و بين
روحك و روحي حد الاسراف
لين استون في الجسم روحين

اكيد ، جسمي يصير رفّاف
ساعة لمحتك، طاغي الزين
طرفك ذبوحي مول مَ راف
خدك يشابه، لمعة لجين

طرفك ذبوحي مول مَ راف
خدك يشابه، لمعة لجين
ليلٍ ف شعرك عَم لطراف
و ثغرك عليه الشهد بـ يبين

خصرٍ تقيسه بشبر و انصاف
شكله يشابه، عكس قوسين
فيك المزايا، عَد و ارضاف
امن المحال، آخط بيتين

من زود حبّك، سرت طوّاف
وسط الحرم بين المصلين
ادعي و دمعي هلّ عفّاف
الله يعجّل شوفك الحين