ماعاد للغايب عذر ولاعاد نبي منه خبر
من راح قلنا الله معاه
إن كان عزم بالهجر

ياقلب لاتبكي عليه خله يسوي اللي يبيه
و لي دارت الأيام فيه
بيلقى الكبر فينا كبر

ماراح يلقى له حنان مثل الذي عندي زمان
ولو يبي شطي أمان
ذكره ياموجي الغدر

تسأل عليه الذكريات واقول ماضي كان ومات
اللي يسوي هالسوات
ما اضن بيبقى له قدر

قضيته عندي انتهت صفحه ومن عمري انطوت
وطعون قلبي اللي انزفت
قادر يداويها الصبر

خلاص قفلت الملف وداع ماعقبه أسف
الحب في مثله تلف
ويضيع في الحزن العمر