انا ربي بلاني فيك بلوه 
عشقتك والعشق اكبر مصيبه
احبك موت وقليبي تشكوى
بعيد انته وانا منك قريبه
انا ربي بلاني فيك بلوه 
عشقتك والعشق اكبر مصيبه..

حبيب الروح يكفي منك قسوه 
عذاب الحب من يقوى لهيبه
حسبتك لي يالمحبوب ادوا 
واثاري عشرتك مره وصعيبه..

يروح الليل وعيوني تجزوى
ولذيذ النوم انت مهتنيبه
تمنيت الوصل وياك منوه
ولى راح البخت محدٍ يجيبه..

فديتك بالعمر والروح فدوه
ولا بين في عينك كل طيبه
يأست من الرجى ماعدت اقوى
ولا غصبك على حبي غصيبه..