ميلاد حبى

هلا باللي على خده علامه                   
غريب الوصف شامه فوق شامه
كثير الزين يوم اقبل وسلم                    
فرض حبه و قدره و احترامه
يداعب دقة الخافق حديثه                     
و يلمس جرحي الخافي كلامه
جمال الكون في نظرة عيونه                
و في رقة هاذيك الابتسامه
اهلّي به واحس انه حبيبي                   
و احس انه هوى البال و غرامه
و تعلن لهفتي ميلاد حبي                     
و تفضح لهفة العاشق مرامه
و ارحب كل ما عيني تشوفه                 
هلا با للي على خده علامه
هلا باللي على خده علامه                   
غريب الوصف شامه فوق شامه