صادق المدح

هب السعد مع كل صوبٍ و ذعذاع
و ريح المطر عطّر مساه و هبوبه

عوّد لسيل الفخر و الطيب مرباع
حزة طرا فيصل و الأنظار صوبه

من الغلا لخوي يوم الحكي ضاع
معذور أبي لي حكي .. ماقد حكوا به

اللي مع اهل الطيب له صيتٍ يذاع
في وقفةٍ جزله و نفس ٍ رحوبة

اخو المراجل عاسف طروق الإبداع
يا كثر مالعالم قصد و احتفوا به

يوم القصيد دروبه اشكال وانواع
فيصل فرق في مستواه و دروبه

اللي من جدوده ورث عز الاطباع
روس ٍ على طيب الرجال محَسوبة

اللي يجيهم صادق المدح مطواع
مدح ٍ له أسماع الخلايق طروبة