أهلين بالفرقا

كانك تبيها فراق اهلين بالفرقا
لا تحسب اني على فرقك ما اقدر
ارجوك لا لا تغير رايك وتبقى
مع السلامه وحظ اسعد واوفر

لا تحسب اني في غيابك بتعب وبشقى
او ان قلبي على الهجران يتحسر
اللي يبيني هلا مانحت الورقا
واللي يبي البعد ابي فرقاه انا اكثر

في ظنك ان رحت عني مستحيل القا
غيرك حبيب وتظن انك ما تتكرر
غلطان بالقى اللي فيه اهيم انا عشقا
يفهم غرامي ويصون الحب ويقدر

علامها عيونك في دمعتها غرقى
طلبت مني الفراق وقلت لك ابشر
هذه النهايه ولا من بعدها ملقى
صار اللي تبغاه ليه زعلان ومتاثر