زي حسنك

زي حسنك والنبي ماقد لقيت
لا ولا عيني رأت زيك بشر
لا بارض  الهند او ارض الكويت
لا ولا لبنان أو جده و قطر

في جمالك لو حكيت ويش ما حكيت.
ماقدر اوصف حسن قد فاق القمر
صرت عاجز كيف ابوصف مارأيت
في وصوفك تعجز ابيات الشعر

في هواك انته انا والله ابتليت
انت من حسنك لااحساسي اسر
قلبي لك صاير يابعد الدنيا بيت
والحنايا هي مكانك والمقر

بعت كل الناس ولك انت اشتريت
انت من حبك بروحي  استقر
لك انا والله ما لحظه  نسيت 
لك عهد ما انساك انا طول العمر