غَفيت وما حَضَن جَفن الشُعور إلاك
صَحيت وما وَقَف غَيرَك على أهدابي
حَبيبي واللِقا لَحظَة مَطَر وياك
سَقَت قَلبي قَبل ما تَسقي تُرابي

عَسى حَظٍ جَمَعني بِك مَعي يَنساك
ولا تَبعَد بَعد ما صِرت أحبابي
عَسى عُمرٍ بِدونَك مَرّ بي يَفداك
وعَسى الله لايَجيب البُعد وغِيابي

لَقيت اللي عَجَزت ألقاه قَبل ألقاك
ونَسيت اللي أبي أنساه من ما بي
أبَد ما ضِقت مِنك إلا على مَسراك
أضيق بغَيبَتَك حَتى من ثِيابي

بَدا عُمري بَعد بَسمَة رِضا بشَفاك
وخَتَمت بحُبَك أجمَل سَطر بكِتابي
أبيع اللي مَلَكتَه بالعُمر لرِضاك
وأنا لي بالشُعور الحُلو أسبابي