أريد أبوح أريد أحكي إذا ما في الحكي مانع
تعبت أكتم ضجيج الحزن بين أضلوعي وأبكيه
كرهت العمر لي يمضي بلا غاية ولا دافع
أبي أكسر قيود الأمس وأنسى هالعبث وأنهيه

أساي اللي كتبها الوقت بحبر دموع ومواجع
ترك هاليل يذبحني وشمسي عاجزه تطفيه
يسابقني خيال الضعف ويبعدني عن الواقع
وأنا والصمت نتحسّر ولا نرضى بما يقضيه

أريد أفوق من لحظة خيالي وأسبق الواقع
أنا مليت من هذا الخيال اللي سكنّا فيه
وليه أضعف وأستسلم وأغيب بهالفضاء الواسع
تعبت أغيب أحلامي وأداري هالأسى وأخفيه

أعيش بعالم قاسي ولا يقطع بهم قاطع
كفاني ليه أضحك له وأحاول دايم أرضيه
وأنا والجرح ما عشنا حياة فراق وموادع
خلقنا من سيوف الصدّ ليدين الوجع والتيه

أحسّ أن الأمل موجود نجمه فالسماء ساطع
أناظر فيه وعيوني تردّه لي وتغرق فيه
ولو بيني وبين الحلم مسافة وفارق شاسع
يكفيني أعيش الحلم وأحرق هالإسى وأمحيه