أدمنت صوتك

أدمنت صوتك وصوتك أصعب إدمان
وأصبحت أبي كلّ ليلة أسمع حكاويك
لا ما هقيت أدمن على صوت إنسان
وأجنّ من شوقي إذا ما أقدر أحاكيك

ولو ما سمعتك أحسّ في القلب بركان
وأحسنّي تايه وأنا أدور أراضيك
مجنون همسك وهمسك نغمة الدان
أطرب خفوقي تراني ميتٍ فيك

إحكي إذا مبسوط أو كنت زعلان
وعن حاضرك إحكي وعن كلّ ماضيك
أنفاسك الحلوه دوا وقلبي ولهان
داوي حبيبك عسى ربّي يخلّيك

إدمان صوتك حقيقة ما فيها بهتان
ومن يدمنك معذور من كثر يغلّيك
لو زرت كلّ الأطبّة وأنت الإدمان
ليحذروني أوقف عن تعاطيك