١٨

لسه الهم تقيل
كله ف ضهري م قادر اشيل
كل يوم الموت بقرب
هل انا جاهز الاقيك؟

تعدي سنين و سنين
ماشة عكس و الحظ لعين
مافي زول فاهم الجواي 
و انا ف نفسي م فاهم الفيني

شاغلة بالي
افكاري م بتخليني
و انا زاتي 
عيان و كايس البشفيني
اصوات بتنادي
جوطة مسكن هديني
كلو ف راسي
و انا داير اموت يخ وديني

غرفه ملانه غيوم
18 سنه هموم
شكلي نسيت كيف طعم النوم
عيوني محمرة كتر اللوم

جاري جاري طالع سلمي
كل غنيه وراها قصة deep
يوم تكون قريب و يوم غريب
ليه اتغيرتي كنت واثق فيك
(كنت خاتي امالي فيك)
و اسي بعيد
(منك مهما اكون قريب)
و الموت جاييك
(مافي مفر ياهو المصير)
و انا مستنيه
(زي م استنيتك و سبتيني)

زي م استنيتك و سبتيني
زي م كضبتي و وعدتيني
اصلا كضاب انا عارفني
لا يمكن بس م فاهمني

مصلايتو ضاعت
ركعاتو نساها
و سنينو الفاتت
منو البلقاها
ليه ساب السكه؟
مش كان صغير
راجياو الدنيا
بس فات خلاها