مسكنك خالي

هذاك الليل يشبهني  ويشبه حالتي وياك 
يجي بسرعه ويسرقني  ويتركني على حالي 
اعاتب نجمه من بعدك  واكلمها عشان انساك
ابي اي كلمه تجرحني  عشان تروح من بالي 

ياريت اللي بقى منك  يصبرني على فرقاك 
ولكن عطرك المهمل  سكن في مجمل امالي 
يحاصرني حنيني لك.. وصور تملاها بس ذكراك 
اشوفك في زوايا البيت  تشابه صورة ظلالي 

تفارقني غصب عني  وانا اللي كنت في دنياك 
اقرب لك من انفاسك  وكنت بعينك الغالي 
بدون اسباب تتركني  وهانت عشرتي وياك 
احس اني كذا فجأه  طحت ف شر اعمالي 

على كلن ترى قلبي  تعب يبكي على طرياك
وصار الحين اهون لي  اعيش الواقع الحالي 
بدونك ما فرق اي شي  مثل ما كنت انا وياك 
اشمك عطر بثيابي  ولكن مسكنك خالي