غلا الخمسه

غلا الدنيا بدا من واحد الخمسه
غناتي هم وتاسرني محبتهم
وكل منهم ملك من خافقي خمسه
وروحى من غلاه الروح غنتهم

 حمد له مقبل ایامی وله امسه 
وخمس الحب له والعمر فدوتهم 
واغلى عايشه خمسه على خمسه 
مكانتها في روحي من مكانتهم

واحلى فاطمه يا حلوه الرمسه 
كان احساسها يحكى حكايتهم
و راشد كل صبح يشرق بشمسه 
ويشرب نبض قلبي من سحابتهم

وهند اللى لها في عالمي لمسه 
براءه قلبها تشبه براءتهم 
لان الشعر مثل البن له حمسة 
اقند راسی بشعري وقهوتهم 

ضيا الدنيا اذا الدنيا غدت عمسه 
وتشرح خاطري لي ضاق بسمتهم 
دعيت الله لعيني يحفظ الخمسه 
ولا يحرم خفوقی من محبتهم