غيمة غيابك

غيمة  غيابك  متى تمطر  لقا
شوفتك  مثل  الهوا  أحتاجها
الصبر    منّه   ولا    شيٍ   بـقا
مقيدّه الفرحه ولقاك إفراجها

فعبرتي  دمعٍ   على  عيني  رقا
وروحي  تعبانة ودواك علاجها
راحتي قربك  و بُعدِك لي شقا
لهفتي   ريحٍ    شديد   هياجها

ياعسى   قلبك   يحن  لعاشقه
وخطوته  لقلبي تعيد  ادراجها
غاليٍ والوقت من إيدي سرقه
وطوّق   قلوبٍ  وسد  سياجها

مو بعيد  الموت  ليتك  تسبقه
من الجسد روحي قريب إخراجها
يا الله تعال الحين وحلمي حققه
نعبر سوا بحور الشقا و امواجها