شمس حبك

هيه يا للي غرامــك رحلتي للجنــــون
 اشعل الشوق قلبي والغرام حطبي

اخذي الخافق اللي بالعهد مايخون
الخيانه ماهي طبعي ولا مذهبي

خلي الرمش ظلك ورقــدي بالجفــون
ونزلـي يم صدري وبالضـلوع ألعبــي

نضديهن فداك اللي علي يسألون
وارجـعي بعثريهـــن زي ما ترغبــي

بس تســـلا حـــياتي خلــهم يتعبــــون
دام هالمـلك ملكك قرري واشطبــي

وانسجي لك قلم من أي ضلعٍ يكون
خلـي المـحبره دمــي ومنـها اسكبــي

وسجـلي ذكرياتك بين ذيـك الطعـــون
أكتـبــي لــي أحبـــه أي شـي أكتبــي

وكـان نبضات قلـبي يالغــلا يزعجــــون
اسكــني صـدري الأيمـن ولا تذهبــي

ولاهــدا الجو عنـدك ياكحيل العيـون
غـردي مع مشاعرشاعــرك واطـربـي

الله اللـي وهبك من الغلا وش يبون
شمس حبك عسى يازين ماتغربي