على كثر القصيد وكثر ماجاب الخيال افكار تعبت ومالقيت الا ثمان اشياء تشبه لك نور الشمس لون الغيم طهر الماء وصمت النار لين الورد فجر العيد ملك وانسان ياسهلك اذا كان العنا رحله با اسميك اخر المشوار واذا صار البخل عمر الجزايل فاسمك المهلك تجين احلى من البشرى تغيبين وتشين الدار هديه للزمن جيتي من الله عن طريق اهلك صحيح المدح لو يقدر يقوم بنفسه ويختار غدا عباد شمس لا لمح زولك توجه لك ضيا تسعين شمس والف بدر ونجمتين كبار اخاف اقول ظلك و اظلمك والعز كله لك غيوض وما يغيض النرجس الا ضحكة النوار وكل الجود لو يفنا فنا من زود حبه لك ورثتي مجد ابوك وجاك منهو زبنة لمن جار ابو خيرين دماح الخطا والعمر مده لك وانا وش عاد اقول ان صرت في وصف الغلا محتار شعور ماقدر ياصل سماك وقلت ازمه لك وعلى كثر القصيد وكثر ماقلنا من الاشعار تعبت وما لقيت الا سموك بس يشبهلك
