روضه في لندن

جيت لندن جيت انا بلاد الضباب
ومر طيفك في شورعها غنا
مر طيفك وانفتح للشعر باب
ياحبيب الناس وأولهم أنا

دام في مكتوم يافخر الكتاب
والشعر  وإن قلت  مكتوم انحنا
شوفني يا غلى  أبو فوق السحاب 
وقدري إلي  فوق ما عمره دنا

امشي بنهجك شموخ ولا أهاب 
وإن ذكرتك عشت دنياي بهنا
إن مشيت تلف لي كل الرقاب 
لن فيني نور من وجهك سنا 

امشي بدربك وانا كلي صواب
وعزمي من عزمك ولا يوم انثنا
وأنا روضة بنت مكتوم المهاب 
لي فواده بالمحبة ضّمنا 

ينفتح للعز باسمه ألف باب 
ومن سمّوه جاله المجد وعنا 
روحه اللي باقيه رغم الغياب 
زارعه فيني السعادة والهنا 

أمشي بدربه وأنا كلي صواب 
لي معّلمني الحياة الها معَنا 
حبه اللي باقي ليوم الحساب 
وبنت مكتوم الفخر روضة أنا