لمسة كفوفك

تزهر شراييني  وله من لمسة  كفوفك 
والعين ماترمش حبيبي  وانت داخلها 

ياكثر ماني أنتظرها ساعة اشوفك 
اسأل عقارب ساعتي كم مره أسألها 

خذني امانك سر عمرك طمنه خوفك
انت اصدق الخلقّ في عيني وانت اجملها 

من وين اببدا احترت انا من كثرها وصوفك 
ودي لو تسمح حبيبي اختار انا كلّها

اعوف  انا نفسي قبل ماافكر اعوفك 
انت آخر أحباب عمري  وانت اولها 

بحطك بعيني انا واتحمل ظروفك 
حالف انا كل الدروب رضاك لاوصلها

شايل معيّ لا رحت منك والله طيوفك 
ماتتعب ايديني ابد لاصرت شايلها 

في داخل القلب حافر اسمه حروفك 
انا عشانك مايهم هالناس ازعلها