شمس حبك - عاشق وطن

ياحبيبي وفيت وشمس حبك بدت لي
اشرقت في سماي وبددت غيم ياسي
حظي انقاد وحباله على الكيف جتني
التفت لي بعد ماكان غافل وناسي
شفت حلمي حقيقه والليالي صفت لي
بعد ماشاب من كثر الغرابيل راسي
الاماني على كف الحنان ابحرت لي
زالت هموم قلبي والعناء والماسي
والشقا راح وغيوم الفرح غردت لي
ونامت عيون اللي ماهناها النعاسي
وانتحي الهم عني والسعاده سعت لي
حين شمسك بدت لي واختفي غيم ياسي