الأشقراني - فارس مهدي

قصرت رجلي عن الروحات
من عقب ماني لك اتعبهـا
وش فايدة كثـرة الجيـات
وأهلك تعقـد حواجبهـا

عمار يوم الهـوى سجـات
ومعك السعـادة أجاذبهـا
اليوم أنا وأنت بالحسـرات
وقلوبنـا الحـب عذبهـا

قضيت عمري حزن وآهات
وحيد وصـورك أداعبهـا
ماجور عاشق هلك مـوات
لله روحــي تسيـبـهـا

يالأشقراني شف الدمعـات
بعـدك عيونـي مشيبهـا
صاحبت ليل العنا ما بـات
ودنياي ما أكثـر تقلبهـا