فتني - جابر الكاسر

الله علي اللي فتني بنظره عيونه
يوم التفت لي وصوبني بنظراته
نواعسه نجل والحجات مقرونه
من الليل رمشه سرق ولمساته
العود لين و وشعره يكسي امتونه
الخيزران انثني بخصره و وميلاته
صوت المطر في سوالفه وبشجونه
عذوبه الصوت في مزحه وكلماته
عليه بحه وضحكه صوت مجنونه
يا ويل قلبي علي ضحكه و همساته
من جد ياهل الهوي من جد مزينه
والله ما شفت بعيوني مثيلاته
اتصد مني خداها خايف يشوفونه
من الدلع لا مشي يقصر بخطواته
الحب ما يرحم العشاق قانونه
الحب لو تستره تفضحك لرعاته .