فارس النظرة

في جمال دبي يعشق كل حي
فايقة كل المحاسن والجمال
مالها مضاهي على الدنيا وزي
كنها عذرا تناديلك تعال

من فضل شيخٍ خذاها للعلي
وحازت الاول بمجهود الرجال
الفقير بحيّها يصبح غني
حتى لو ماكان عنده راس مال

دام بو راشد لها شمسٍ وفيّ
فوق عن كل التوقع والخيال
كل مشروعٍ بها مسحَة نبي
لو يباله سنين ياخذله ليال

لا ولا ذا شي اصبِر واحتِري
كل طالع شمس تصبح لك بحال
عانقَت الابراج نجم المشتري
وفي فضا المريخ صار لها مجال

كلٍ بكيفه وماهو يشتهي
ان بغيت يمين ولا للشمال
ان دخلت دبي لاتاخذ خوي
عيش في جو الاناقة والدلال

في قيادة نيّر العقل الأَبي
فارس النظرة يحيل المستحال
سيّد السادة محمد سيّدي
لْـ بلاده مرخِصٍ حالٍ ومال