إستماع 5.2K • إعجاب 142
حبيبي وش بقى منّي ومنك في سنين الهم تغيرنا وكلٍ يحسب الثاني هو المجفي تجافينا كثر ما كانت الصدّة ثقيلة دم تغربنا ولا عدنا ولا عاد اللقاء يشفي أعرف الرايح بعمري ولا أدري بقى لي كم ولكني دريت إني لقيت بقسوتك حتفي أحس إنك تعرف إني عليك أوله ولا تهتم وأحس إني تماديت بغلاك وما قدرت أخفي أنا ما أذكر إني قد جرحتك يا كثير الزم وش اللي قلت لك غير إني أحبك وما تكفي من اللي انخذل فينا ترى باقي عتب ما تم أنا يومياً أشب الحكي ويرمد ويطفي تغيب اللي تغيبه والزمان اللي يغرّك خم يتوهّك بكثيره وإن بغيته صدق ما يضفي أنا كل الديار اللي تسافرها وكل اليم وأنا كل شي بعيونك ولا يمكن أجي منفي وش يخلصك مني ليتها بيدي وأقول لك سم ونتفارق أنا ويّاك عادي والكدر يصفي ولكنك خذيت من العمر والذكريات الجم على كثر العفو صدقني بهذي عجزت أعفي ترى للحين كل اللي يخصّك في حشاي يعم وترى للحين عطرك في ثيابي ودمعك بكتفي أحبك كثر ما استنزفتني شعر ولحون وغم وأحبك كثر ما صاحت جروحي وما قدر وصفي أنا اللي طاح من صدري عجزت أحايله وألم كثير أكثر من اللي طاح من عيني وأنا مقفي
اسمـــع ملاييــــن الأغـــــاني
واعرض كلماتها على شاشتك
يمكنك تحميــــــل
تطبيق أنغامي على
تطبيق أنغامي على
