تبختر

هلا بك هلا يا الناعس المترف الجذاب
 تراحيب قلبي فيك من قبل ترحابي
 ترى الصدفة اللي جابتك عند ذاك الباب
 خذتني بدون شعور من جملة أصحابي
 
 تبختر وطل بحسنك اللافت الخلاب
 جمالك يهدي روعي ويضبط أعصابي
 عيونك قصيد وبسمتك تخطف الألباب
 وكلامك لطيف وحكمتك حكمة أعرابي
 
 أشوفك هنا وهناك واعجاب تلو إعجاب
 ما شفت ابستامة عيني ونطرة إعجابي
 وش المانع أحبك؟ وأحبك بدون أسباب
 ما عندي سبب مادامك أنت أجمل أسبابي
 
 غلبت الهوى فترة لكن الهوى غلاب
 لحقني ووقف في طريقي وأنا ما أبي
 دخلت في حياتي عرض من أوسع الأبواب
 وأنا للحبايب ماني مشرع  أبوابي
 
 هلا بك هلا يا الناعس المترف الجذاب
 تراحيب قلبي فيك من قبل ترحابي