خذاني الشوق

خذاني الشوق لديارك
وطيف الذكريات يحوم
عسى ما زارني زارك
يا رؤيا جاتني في النوم

تعبت استقبل اخبارك
واواسي قلبي المحروم
دخيلك زادت اوزارك
وبعيوني حزن مرسوم

وش اللي يلفت انظارك
ويستعطف فؤادك يوم
متى ترجع عن اصرارك
بهجراني وانا المظلوم

ولا يخفاك حجم الشوق في قلبي
تراني في الغرام اخفيت حبي لك
تمر ايام جفاك والحزن يلعب بي
وبحة صوتي المخنوق تنادي لك
وبحة صوتي المخنوق تنادي لك

يا بدر يشع في دنياي
حواليك القمارى انجوم
يا مستقبل حياتي الجاي
يا فرحة عمر تبقى دوم

يا زادي والهواء والماي
بلياك اصبح المرحوم
انا مابي سواك وياي
لوصلي خافقك ملزوم

غرامك في صميم احشاي
فلا تخلي عزيز القوم
سواك لو راح نحو سواي
يصير الحب دون هدوم

اشوفك حلم عايش يالغلاء قربي
واعود لوعيي وادور تفاصيلك
ويغفى الجفن واتخيلك في دربي
تنادي لي وانا الله كم انادي لك
تنادي لي وانا الله كم انادي لك