اولى بك أنا

وتمر ذكرى وما تمر
تستوطن بصدري عمر
وتركتني وانا انتظر
على أحر من الجمر
تسألني الذكرى وأقول
لله سلمت الأمر
اللي بقى بيلقى سبب
واللي رحل يلقى عذر

اسأل علي هذي الدروب
اللي عبرناها سوى
شاللي اتغير في القلوب
شاللي اتغير في الهوى
بتجاوبك من كل صوب
ما كان في قلبي سِوى
حبك وعشقٍ ما يتوب
عنك ولا غيرك هوى

في برد ليلك ما دفيت
سلبتني ذاك الدفا
ويطول ليلي ما غفيت
لو نام قلبك أو غفى
غرست ود وما جنيت
الا جراحك والجفا
من زود جرحي ما اكتفيت
يكفيني يا خلي كفى

بقسى على قلبي أنا
عن عزتي مالي غنى
ما قول انت اللي جنيت
قلبي على نفسه جنى
اخلصت يا قلبي ووفيت
ولقيت هجران وعنا
صدقني ما تسوى عليك
يا قلبي اولى بك أنا