مراسيل الهوى

حمامة يا حمامه كم جرحتي باللحون اهداب
سجعتي من طرب والا من افراق المظانيني
ونا يا جارة الوادي عليل وخاطري منصاب
وعيني من سهر ليلي تبات وتشتكي عيني
صدفني بالهوى رمشن خجول وفي هدبه اعجاب
حرم عيني كرى عيني بديع الحسن والزيني

يقولون الهوى صدفه ونا قول العيون اسباب
سبايب عينك الكحله سرقتي النوم من عيني
وكم عينن تلد وما حسبنا للعيون حساب
الين برمشك الساحر سكنتي في شراييني
رسول عيونها سلم مراسيل الهوى بكتاب
قريت بجفنها كلمه سرى حرفينها فيني
ونا يا بنت ماني بالهوى غاوي ولا كذاب
احب ومخلص بحبي وراعي من يراعيني